Piliin ang Content Comfort Level Mo

Ang setting na Antas ng Komportableng Nilalaman sa iyong Mga Kagustuhan sa Nilalaman ang nagtatakda kung paano gagamit ang AI ng tono, pananalita, at matitinding damdamin sa mga kuwento mo. Naaayon nito ang karanasan sa panlasa mo — banayad na romansa man ang hanap mo o mas mapangahas na kuwento.

Saan Ito Makikita

Para baguhin ang Antas ng Komportableng Nilalaman, pumunta sa: Mga Setting ng Account → Mga Kagustuhan sa Nilalaman

Pagkilala sa mga Antas

1. Neutral

• Estilo: Payak at diretsahan. Nasa likuran lang ang romansa.
• Karanasan: Walang awtomatikong gabay sa tono — ang mga plugin at Prompt mo ang ganap na masusunod.
• Bagay sa: Mga manunulat na gustong sila mismo ang magtakda ng tono at hangganan sa pamamagitan ng sarili nilang mga tagubilin.

2. Banayad

• Estilo: Malumanay at sensual.
• Karanasan: Malapit sa puso, may dahan-dahang tumitinding pananabik at ugnayang nagbibigay-ginhawa.
• Bagay sa: Mga gusto ng mahinahon at maalagang tono na may kaunting kilig at init.

Halimbawa:
"Marahang sinundan ng mga daliri niya ang kurba ng likod nito, na para bang napakahalaga nito sa kanya. Napanginig ito — hindi sa lamig, kundi sa init ng pakiramdam na hinahangad siya."

3. Madamdamin

• Estilo: Nakatuon sa pagiging bukas sa damdamin at sa paglago ng mga tauhan.
• Karanasan: Isang paglalakbay ng damdaming puno ng lambing at pagpapalagayang-loob.
• Bagay sa: Mga mambabasang naghahanap ng makabuluhang ugnayan at mga sandaling tumatagos sa puso.

Halimbawa:
"Inayos niya ang buhok nito sa likod ng tainga — hindi para magpalandi, kundi para ipakitang nakikita niya ito, talagang nakikita, sa paraang hindi pa nagagawa ng iba."

4. Makatula

• Estilo: Romantiko, malamyos, at puno ng talinghaga.
• Karanasan: Parang nagbabasa ng tulang pag-ibig.
• Bagay sa: Mga nagpapahalaga sa ganda ng pananalita, himig ng kuwento, at damdaming banayad ngunit malalim.

Halimbawa:
"Sumabay ang tibok ng kanilang mga puso sa mga taludtod ng tulang hindi binigkas; bawat haplos ay tugma, bawat sulyap ay tahimik na saknong sa liwanag ng buwan."

5. Balanseng Tono

• Estilo: Pantay ang timpla ng romansa at pagnanasa.
• Karanasan: Puno ng kilig at romansa, pero hindi tahasan ang mga detalye.
• Bagay sa: Mga mambabasang gusto ng pananabik at alindog sa pagitan ng mga tauhan habang umuusad ang kuwento.

Halimbawa:
"Hinawakan niya ang kamay nito bago pa ito makalayo. Sa isang tibok ng puso, kapwa sila napigil-hininga — para bang pati ang buong silid ay napalapit sa kanila."

Aling Antas ang Babagay sa Iyo?

• Mahilig ka sa romansa at masining na pananalita? Simulan sa Makatula o Madamdamin.
• Kung gusto mo ng banayad na kilig, subukan ang Banayad o Balanseng Tono.
• Kung gusto mong ikaw mismo ang magtakda ng tono, piliin ang Neutral — ang mga plugin at Prompt mo ang ganap na masusunod.

Ilan Pang Tip

• Puwede mong baguhin ang setting anumang oras, depende sa mood mo.
• Awtomatikong inaayon ng AI ang tono at estilo sa gusto mo.

Hindi ka pa sigurado? Subukan ang iba't ibang antas at damhin kung paano nagbabago ang dating ng kuwento.
Kuwento mo, takbo mo, tuntunin mo.